Несторовски и Трајковски добија нов тренер

Искусниот италијански стратег, Делио Роси е нов тренер на Палермо, потврди денес клубот од Сицилија.

Роси потпиша договор до крајот на сезоната, откако вчера Палермо му врачи отказ на тренерот Роберто Стелоне.

Во моментов тимот на Несторовски и Трајковски се наоѓа на третото место на табелата во Серија Б и има три помалку од второто место кое води директно во Серија А.

59-годишниот стратег, кој по трет пат ќе го предводи Палермо ќе има за задача да го однесе клубот од Сицилија во елитната лига и тоа на четири кола до крајот на сезоната.