Невил наброи 14 фудбалери подобри од Салах, па го доби вистинското прашање

Поранешниот фудбалер на Манчестер Јунајтед, Гери Невил, не е некој љубител на игрите на фудбалерот на Ливерпул, Мохамед Салах.

Откако ТВ водителот Пирс Морган изјави дека Салах е најдобриот играч кој се појавил во лигата после Тиери Анри, Невил реагираше и почна да набројува фудбалери кои биле подобри од Салах.

„Не е ни помеѓу 10 најдобри после Анри. Одличен е, но тоа е смешно. Роналдо, Азар, Де Брујне, Силва, Јаја Туре, Суарез, Агуеро, Коста, Компани, Ван Перси, Кејн, Тевез, Дрогба, Де Геа. Сите тие се подобри.“- изјави Гери Невил.

После ова Морган жестоко му одговори и го понижи Невил.

„Не знаеш да препознаеш играч од светска класа. Можел ли да ми објасниш што се случи додека ја тренираше Валенсија?“ – запраша Морган, за што Невил немаше што да одговори.