Најбогатиот Британец на чекор од купување на Манчестер Јунајтед

Милијардерот Џим Ратклиф, кој е познат како најбогатиот Британец е блиску до купување на акциите на Манчестер Јунајтед.

Неговата компанија „Ineos“ неодамна потврди дека покажува интерес и го започнале процесот за купување на акции од Манчестер Јунајтед, а сега купопродажбата е пред реализација.

Семејството Глејзер, кое е сопственик на Манчестер Јунајтед последните 17 години во ноември потврди дека клубот е на продажба. Следната недела сите кандидати треба да ги достават понудите, а се тврди дека сопствениците бараат 4 милијарди фунти.

70-годишниот Ратклиф е фан на Манчестер Јунајтед од дете, а беше и еден од кандидатите за да го купи Челзи, но не успеа да ја подобри понудата од Тод Боели, кој за клубот од „Стенфорд Бриџ“ плати 4,25 милијарди фунти.

Неговата компанија веќе е сопственик на два клуба, француска Ница и швајцарскиот Лозана Спорт.

🚨 EXCLUSIVE

Sir Jim Ratcliffe vicino all'acquisto del #ManchesterUnited dai Glazer per 4 miliardi di sterline circa.

🔴 È l'uomo più ricco del Regno Unito, numero uno di INEOS e proprietario del Nizza#MUFC @TuttoMercatoWeb pic.twitter.com/3xZUvdVfdr

— Marco Conterio (@marcoconterio) January 27, 2023