Англискиот фудбалски клуб Челси упати апел до своите навивачи кои отпатувале во Неапол за вечерашниот натпревар од Лигата на шампионите, повикувајќи ги на зголемена претпазливост откако двајца навивачи беа примени во болница.
Улични кучиња: Системски или човечки проблем? | Уште еден поткаст
“Клубот е информиран за инцидентот што се случи во вторникот вечер во Неапол. Двајцата навивачи добија медицинска помош во болница поради повреди кои не се животозагрозувачки. Ги повикуваме сите навивачи да бидат внимателни додека се во Неапол и да следат претходно дадените совети од клубот”, велат од Челси.
Во моментот нема официјални информации за начинот на кој се повредени двајцата навивачи на Челси.
The club is aware of an incident that took place on Tuesday evening in Naples.
— Chelsea FC (@ChelseaFC) January 27, 2026
Two fans are being treated in hospital, having sustained non-life-threatening injuries.
The club would like to remind all supporters to exercise extreme caution whilst in the city and take note of…
Инаку, околу 2.500 навивачи на Челси имаат влезници за натпреварот против Наполи кој започнува вечерва во 21:00 часот на стадионот Диего Армандо Марадона.
Челси, пред овој дуел, издаде соопштение со кое ги советува своите навивачи да избегнуваат да носат обележја на Челси низ Неапол и дека треба да се соберат на однапред дефинирани локации од каде ќе бидат транспортирани со специјални автобуси под полициска придружба до стадионот.
Да потсетиме, Наполи се наоѓа на 25-то место во групната фаза од Лигата на шампионите и му е потребна победа за да продолжи во плејофот за елиминационата фаза на натпреварувањето, додека Челси, кој е на осмото место, има можност директно да се пласира во осминафиналето.
Учество во игри на среќа е дозволено за лица со 18+ години. Играј одговорно!