Вакво нешто ретко се гледа: Дали овој голман си даде намерно автогол во 92. минута? (Видео)

Натпреварот од осминафиналето на Купот на Катар помеѓу Ал Шаханија и Ал Шамал се најде под рефлекторите поради бизарен автогол што го постигна голманот на гостите, Оумар Бари.

Резултатот во 92-та минута беше 0:0, кога връзниот играч на Ал Шаханија, Јусуф Раиси, изведе слободен удар од речиси 40 метри.

Топката беше силно упатена, но право кон средината на голот, што изгледаше како лесна задача за Бари да го запре ударот.

Сепак, 39-годишниот Бари првично ја одби топката високо над главата, а кога таа почна да паѓа, се обиде да ја исфрли во корнер над пречката.

Го промаши обидот, топката удри во пречката и падна во петарецот, а Бари ја смести во сопствениот гол.

Тој гол беше единствениот на натпреварот и со него заврши учеството на Ал Шамал во Купот на Катар. На социјалните мрежи се започна дебата дали Бари направи кикс, или тоа беше “кикс” што доведе до пораз на неговиот тим во корист на обложувачниците.

An unusual scene in the Qatar Stars Cup match! 🇶🇦

Al Shamal SC goalkeeper Oumar Barry’s bizarre own goal in the final moments left spectators stunned.pic.twitter.com/iDc79mNWhu

— Goals Xtra (@GoalsXtra) January 27, 2026