Oткриени детали за трагедијата во Темишвар, возачот на комбето не заспал

Целата Грција беше потресена од трагедијата кога се случи судар во Темишвар помеѓу камион и комби во кое се наоѓаа навивачи на ПАОК. Сега е откриена причината за овој страшен настан.

Во оваа сообраќајна несреќа животот го загубија седум навивачи кои беа на пат кон натпреварот на црно-белите со Лион. Катастрофалниот судир го видоа многумина, а сега е откриено зошто комбито завршило во левата лента по претекнувањето на камион.

Како што посочил еден од повредените на лекарите, воланот закочил во моментот кога се обидувал да се врати во десната лента. Причината за блокирањето на воланот е т.н. “помошна контрола на лентата”. Левиот мигавец бил вклучен и тоа автоматски не му дозволило на возачот да го врати комбито целосно во десната страна.

Поради тоа, оваа помош почнала да го враќа комбито во левата лента, потоа наишол и друг камион од спротивната страна и се случила фаталната несреќа.

Во оваа катастрофа животот го загубија седум навивачи на ПАОК, а тројца лица беа повредени.