„Мундо Депортиво“: Бускетс донел одлука да ја напушти Барселона

Сeрхио Бускетс се подготвува за својата последна сезона во Барселона, пишува Мундо Депортиво.

Легендарниот играч за врска се уште официјално не соопштил ништо, но клубот наводно е подготвен оваа сезона, која е и последна во неговиот актуелен договор, да биде негово збогување.

Капитенот на Барселона во новата сезона ќе влезе како 34-годишник со 451 настап за каталонскиот клуб, а со оглед на тоа колку често го користи поранешниот соиграч и сегашен тренер Чави Ернандез, до следното лето би можел да се приклучи на избраната група со 500 настапи. Потоа наводно има желба да се пресели во МЛС.

Негова цел во Америка, според шпанските медиуми, би бил Интер Мајами, клубот кој е во сопственост на уште еден легендарен играч од средниот ред, Дејвид Бекам. Бускетс во претстојната сезона ќе има можност да го освои неверојатниот 33. клупски трофеј во кариерата.