Конечно договор: Манчестер Јунајтед ја засили одбраната

Манчестер Јунајтед е на чекор од комплетирање на трансферот на левиот бек на Порто, Алекс Телеш, пренесуваат медиумите на Островот.

Двата клуба веќе една недела водеа преговори, Јунајтед сакаше да го вклучи Диого Далот како дел од трансферот, но португалскиот клуб ја одби таа можност.

На крајот двата клуба постигнаа договор за трансфер вреден 20 милиони фунти плус бонуси и во следните денови Алекс Телеш треба да пристигне на „Олд Трафорд“.

Раководството на Јунајтед бара засилување на одбраната, па можно е да донесе и  централен дефанзивец пред затворањето на трансфер пазарот на 5 октомври.