Клоп потврди: Ливерпул нема да ги продава ѕвездите!

Менаџерот на Ливерпул, Јирген Клоп потврди дека раководството на Ливерпул нема намера да продаде ниту еден играч во јануарскиот преоден рок.

Една од причините за отварање на оваа тема се шпекулациите за иднината на Даниел Стариџ, кој оваа сезона е во втор план кај Јирген Клоп.

„Смешно е што вие измислувате стории, а потоа ме прашувате мене за коментар. Немаме намера да продадеме никој од првиот тим. Во моментов Даниел не може да тренира и тоа ме загрижува повеќе отколку шпекулациите. Но јас сум подготвен за прашањата кои ме чекаат во јануари. Ќе биде весело“, изјави харизматичниот тренер.

Клоп притоа откри дека Адам Лалана и Роберто Фирмињо почнале да тренираат со остатокот од тимот, но сеуште не е јасно кога ќе се вратат на терените.