Клоп: Ако му ја покажувавме на Марадона оваа љубов додека беше жив, можеше да му помогнеме

Менаџерот на Ливерпул, Јирген Клоп истакна дека ако светот ја покажувал љубовта кон Марадона додека легендарниот Аргентинец беше жив, тоа можело да му помогне на еден од најголемите фудбалери во историјата.

„Марадона беше најдобриот фудбалер кој сум го гледал во мојот живот. Можеби не е правилно да тврдам од денешна перспектива, бидејќи многу пати сум ги гледал Меси и Роналдо. Но, за време на мојата кариера тој беше најдобриот фудбалер. Го сретнав еднаш, за играч од моето ниво беше како да сум го сретнал Папата“, истакна Клоп.

„Тој многу ќе му недостасува на фудбалот, како и мене лично. Видете ги реакциите во целиот свет. Ако додека беше жив му го покажувавме овој респект и љубов, наместо да правиме само селфи со него, веројатно можеше да му помогнеме“, заклучи Германецот.