Кинезот кој брзо го напушти Милан обвини еден човек: Тој е виновен што се сруши нашиот проект

Поранешниот сопственик на Милан Јонгхонг Ли го обвини претседателот на Милан Паоло Скарони во интервју кое го даде за американскиот „Форбс“.

Ли беше сопственик на Милан во сезоната 2017/2018 додека Скарони беше член на извршниот одор. Многу брзо Ли поради финаниски проблеми го напушти клубот, а сега го истакна своето незадоволство.

„Господинот Скарони беше убедлив, оставаше впечаток на личност која ги познава сите во Италија, посебно во Милано. Му верувавме, беше член на извршниот одбор, а сега е претседател. Не изигра сите. Баш како и ние, верувам дека фондот „Елиот“ е свесен дека Скарони ги користи информациите од клубот во своја корист. Сигурен сум дека тој е голем виновник за рушењето на нашиот проект“, изјави Ли.

Инаку, Ли беше многу оспоруван во јавноста и се поврзуваше со многу контроверзии од кога се појавија проблемите во Милано.