„Кејн би го чувал и со цигара во уста“

Aнглија одигра два различни натпревари, еден во кој го декласираше Иран со 6:2 и еден во кој едвај освои бод против САД.

На двата натпревари Хари Кејн не се запиша во листата на стрелци и формата на напаѓачот на Тотенхем може дабиде загрижувачка. Кејн на минатиот Мундијал блескаше и ја освои Златната копачка, но во Катар не игра на нивото и добива критики.

Жесток во критиките беше поранешниот англиски репрезентативец и некогашен фудбалер на Арсенал, Тони Адамс.

„Кејн е напаѓач кој не напаѓа длабоко во одбраната и не се врти со лицето кон вас, тој е како играч од средниот ред кој оди подлабоко да ја добие топката. Луѓето можеби мислат дека имам нешто против Хари затоа што кажав дека Даклан Рајс треба да биде капитен“.

„Не е во прашање ривалство помеѓу Арсенал и Тотенхем. Секако, дека ни е потребен Кејн тој е еден од најдобрите во светот, но погледнете ги неговите бројки. Да сум јас стопер во Катар против него би играл со цигара во уста“, изјави Адамс.