„Какви проекти?! Во Кина и Саудиска Арабија се оди само поради пари, не лажете!“

Во летниот преоден рок видовме вистински егзодус на познати фудбалски имиња од Европа кои се преселија во Саудиска Арабија за богати понуди.

Понудите на саудијците беа астрономски, а Кристијано Роналдо кој прв уште во јануари направи трансфер во оваа земја веќе најави дека лигата во Саудиска Арабија за неколку години ќе биде помеѓу најсилните во светот.

Претходно Кина беше земја која нудеше богати понуди, но тој тренд брзо се заврши. Во тој период еден од фудбалерите кои се преселија во Кина беше Аксел Витсел, сезоната 2017/2018, Белгиецот ја одигра во Тијанин Куанџиан.

„Во Кина и Саудиска Арабија се оди поради пари. Не лажете и не зборувајте дека сте таму поради некакви проекти“, изјави Витсел.