Кавани останува во ПСЖ до 2020 година!

Раководството на ПСЖ започна преговори за продолжување на соработката со Едисон Кавани и со тоа ќе стави крај на сите шпекулации за иднината на Уругваецот.

Според „Екип“ шефовите на францускиот шампион се исклучително задоволни од 29-годишниот фудбалер и ќе се обидат да го задржат на „Паркот на Принцовите“ до 2020 година.

Кавани дојде во ПСЖ во 2013 година од редовите на Наполи за сума од 64 милиони евра, но до ова лето беше во сенка на Златан Ибрахимовиќ и поради тоа беше незадоволен во Париз.

Иако често се поврзуваше со многу европски клубови, сепак Кавани остана во ПСЖ и оваа сезона блеска во дресот на „светците“ кои со новиот договор му нудат и значително зголемување на платата.