И Милан му дал „корпа“ на Роналдо

Кристијано Роналдо ова лето се поврзуваше со голем број клубови, но на крајот остана во Манчестер Јунајтед со кој сезонава игра во Лигата на Европа.

Последните информации од италијанските медиуми се дека Роналдо преку својот агент се обидел да направи трансфер во редовите на Милан. Жорге Мендеш му понудил на Милан да отворат преговори за доведување на Роналдо, меѓутоа одговорот на „росонерите“ бил негативен.

Мендеш сметал дека во Милан ќе прифатат да го продадат Рафаел Леао и да го доведат Роналдо. Сепак, во Милан не се согласил на таков расплет и сметале дека во ситуацијата во која се наоѓале подобро е да го задржат Леао.

Милан го задржа Леао, меѓутоа засега не е сигурно колку долго тој ќе остане на „Сан Сиро“. Тој се уште се поврзува со заминување, а како опција последен клуб кој се споменуваше беше Челзи.