Италија и Турција сакаат да бидат домаќини на Европско првенство, заедничка кандидатура и од Островот

Италија и официјално поднесе кандидатура за домаќинство на Европското првенство 2032 година, објави УЕФА.

Италијанците како актуелни шампиони на Европа соопштија дека доколку нивната канддидатура биде прифатена првенството ќе се игра на стадионите во: Милано, Торино, Верона, Џенова, Болоња, Фиренца, Рим, Неапол, Бари и Каљари. Тоа значи дека на поголем дел од овие стадиони ќе биде направена реконструкција.

Исто така се најавува дека и Турција поднела кандидатура за домаќинство на Еуро 2028 или 2032 што е шести обид на оваа земја да биде домаќи нна голем турнир.

Заедничка кандидатура поднесоа Англија, Шкотска, Велс, Северна Ирска и Република Ирска за Еуро 2028.

Од УЕФА порачаа дека ќе ја разгледаат секоја понуда, а извршниот одбор ќе гласа за двата турнири (Еуро 2028 и Еуро 2032) во октомври.