Италијанско дерби за Толисо

Италијанските медиуми пренесуваат дека Јувентус и Интер се сериозно заинтересирани за играчот на Баерн Минхен и француски репрезентативец, Корентин Толисо.

27-годишниот играч за врска на лето ќе биде слободен агент бидејќи нема најави за продолжување на договорот со Баерн Минхен.

За него интерес покажаа неколку европски гиганти, а најконкретен е интересот на Интер и Јувентус, кои веќе доставиле понуда до неговиот агент.

Толисо е отворен за преселба во Серија А, па останува да видиме кој ќе победи во трката за неговиот потпис.

Французинот оваа сезона запиша 21 настап за Баерн на кои постигна 3 гола и запиша 3 асистенции.