Интер спреми последна понуда за Канте, нуди две ѕвезди

Антонио Конте е во потрага по засилување за Интер за наредната сезона, а најголема желба е Нголо Канте од Челзи.

Конте според информациите е воодушевен од квалитетите на Французинот кој одлично го познава затоа што двајцата соработуваа на „Стенфорд Бриџ“.

„Газета дело Спорт“ пренесува дека Интер веќе испратил прва понуда за Французинот, која била експресно одбиена од страна на Челзи.

„Нероаѕурите“ не се откажуваат и спремаат нова понуда, што ќе биде последен обид да го донесат Канте во овој преоден рок.

Имено, Интер е спремен да ги понуди Скриниар и Брозовиќ, а за возврат да го добие потписот на Французинот. Пазарната вредност на двајцата фудбалери на Интер изнесува 80 милиони евра, па сега се чека одговор од Челзи.

📊 SONDAGGIO https://t.co/VdiktdtZ9x – #Inter, l'ultimo sforzo sul mercato andrebbe concentrato su #Kante o #Smalling

📲 #CMITmercatohttps://t.co/VHM3OSDLeC

— calciomercato.it (@calciomercatoit) September 27, 2020