Интер од влезници утре ќе ја оствари најголемата заработка во италијанскиот фудбал

Интер оваа сезона игра одлично во Серија, но пласманот во нокаут фазата од Лигата на шампионите се уште не им е обезбеден.

Во последното коло од групната фаза утре на „Џузепе Меаца“ Интер ќе ја дочека Барселона и со победа ќе обезбеди место во топ 16.

„Нероаѕурите“ утре ќе имаат огромна поддршка од трибините. До сега се продадени 72.000 влезници и тоа на клубот од Милано ќе му донесе рекордна заработка за италијанскиот фудбал.

Интер од продажбата на влезниците ќе инкасира 6.5 милиони евра што ќе биде најголема заработка во историјата на италијанскиот фудбал од продажба на влезници.

„Нероаѕурите“ можеа да заработат и повеќе, но за тоа се виновни навивачите на Барселона бидејќи гостинскиот сектор не е во целост исполнет.

Инаку, на Интер утре би поминал и со пораз или нерешено, но во тој случај Борусија не треба да победи против Славија Прага.