„Имам седум деца со четири различни жени, а сега сум слободен човек“

Ројстон Дренте со трансферот во шпанскиот четвртолигаш Расинг Мурсија повторно се врати на сцена.

Дренте во минатото беше член на Реал Мадрид, но денес е далеку од тие денови и ќе игра во четвртата лига. Сепак поради неговото минато тој е интересен за медиумите. По трансферот во Расинг Мурсија тој за „Марка“ зборуваше за неговиот живот.

„Имам седум деца со четири различни жени, а сега сум слободен човек“, изјави Дренте.

Спортските мотиви не му недостасуваат.

„Морам да работам и да одам чекор по чекор, сепак се уште не сум во најдобра физичка форма. Морам да ослабам три килограми, од понеделник сум на диета“, додаде Холанѓанецот.

Се потсети и на животот во Мадрид.

„Имам многу убави спомени. Мадрид е град кој ми изгледа како мој дом. Во Реал прво најмногу се дружев со Робињо, а потоа кога тој замина бев најблизок со Гути“, зборуваше Дренте.