Зверев: Тоа што прават Ѓоковиќ, Надал и Федерер може никогаш да не се повтори

Eден од оние кои се воодушевени од доминацијата на Новак Ѓоковиќ, Роџер Федерер и Рафаел Надал е Германецот, Александар Зверев.

Откако Надал го освои УС Опен победувајќи го Медведев во големото финале се дојде до бројка големата тројка да има освоени 54 Грен слем титули од последните 64 и тоа се неверојатни 84%.

Зверев смета дека тоа е лудо и дека тенискиот свет можеби никогаш повторно нема да види нешто слично.

„Ова е лудо. Можеби никогаш нема да доживееме нешто слично. Тие се посебни играчи бидејќи играат најдобро во најтешките и најважните моменти. Надал и Федерер во такви случаи стануваат непобедливи, неверојатно е и што се може Ѓоковиќ“, изјави Зверев.

Инаку Федерер досега има 20 освоени Грен Слем титули, Надал една помалку, Ѓоковиќ четири помалку.