Емери се враќа во Ла Лига, веќе потпишал преддоговор

Ако им веруваме на пишувањата на реномираните Марка и АС, Унаи Емери тренерската кариера ќе ја продолжи во Шпанија.

Емери наводно веќе потпишал преддоговор со Виљареал за следната сезона, а тоа значи дека сегашниот тренер Хавиер Каљехо го напушта клубот.

Каљехо после паузата ја препороди Жолтата подморница која врза седум победи и на крајот се пласираше на петата позиција на табела и обезбеди пласман во Лига Европа.

„Не знам каква е мојата иднина, но имам чиста совест бидејќи направив се да го извадам најдоброто од тимот и можам да заминам со крената глава. Прво клубот треба да разговара со мене, јас имам договор и тие треба да ги потврдат или да ги демантираат тие гласини.“ – изјави Каљехо.

Инаку, Емери тренерската слава ја доживеа во Севиља со која освои три трофеи во Лига Европа, после тоа работеше во ПСЖ и Арсенал каде доби отказ во ноември 2018. година.