Историска одлука: УЕФА попушти, Виљареал и Барселона ќе се натпреваруваат надвор од Шпанија

По повеќе од месец дена преговори и неколку колебања, УЕФА направи преседан дозволувајќи еден натпревар од шпанската Ла Лига да се игра надвор од границите на земјата.

Така, средбата меѓу Виљареал и Барселона ќе се одржи на 20 декември во Соединетите Американски Држави.

Ова е првпат во историјата еден натпревар од националното првенство на Шпанија да се игра надвор од нејзините територии.

Преместувањето на овој натпревар во САД отвора нови комерцијални можности, но истовремено предизвикува жестоки реакции од навивачите и фудбалските кругови, посебно во однос на регуларноста на натпреварувањето.

Слично барање пристигна и од Италија – клубовите АЦ Милан и Комо 1907 сакаат да го одиграат меѓусебниот натпревар на 7 или 8 февруари во Перт, Австралија. Сѐ уште не е одлучено за овој предлог.