Емери има еден услов за однесувањето во соблекувалната на Арсенал

Шпанскиот стратег, Унаи Емери ова лето пристигна на клупата на Арсенал откако што Арсен Венгер по 22 години одлучи дека е време да го напушти лондонскиот клуб.

Емери во претходните сезони беше тренер на ПСЖ, но во Париз не беа задоволни од неговата работа поради што на крајот не доби нов договор. Сепак, шпанскиот стратег не чекаше долго нова работа, бидејќи само неколку недели подоцна беше претставен како нов тренер на Арсенал.

За шпанскиот стратег тоа е голем предизвик, бидејќи очекувањата на „Емирати“ се големи, а тоа е и јазичната бариера. Емери не го зборува баш најдобро англискиот јазик, но пронајде начин тоа да го поправи.

Имено, тренерот на Арсенал им порача на своите играчи дека во соблекувалната смеат да зборуваат само на англиски јазик и дека тоа беше единствениот јазик на кој може да се комуницира. На тој начин Емери сака што подобро да го научи англискиот јазик, а според инфорамциите од „Емирати“ тоа му оди многу добро.