Фудбалерот на Јувентус, Анхел Ди Марија истакна дека неговата екипа ќе се обиде оваа сезона да ја освои Лига Европа и Купот на Италија со што сезоната би можела да се смета за успешна.
Зошто проблемот со улични кучиња СÈ УШТЕ постои? | Уште еден поткаст
Јувентус како што е познато беше казнет со 15 бодови и во овој момент не е во борба за титулата, но дури и бодовите да се вратат како што се последните најави, Наполи и понатаму би имал голема предност.
Ди Марија беше стрелец во вчерашниот натпревар против Фрајбург во осминафиналето од ЛЕ.
„Среќен сум што и помогнав на екипата и се надевам дека така ќе продолжиме до крајот на сезоната. Ќе дадеме се од себе да ја освоиме Лигата на Европа, тоа е една од нашите цели. Ќе се обидеме да ги освоиме овие два трофеи“, изјави Ди Марија за „Скај Италија“.
Новинарите го запрашаа и дали ќе остане во Јувентус и наредната сезона.
„Ќе разговараме, не знам. Тука сум среќен и можам да почувствувам поддршка од навивачите, на почетокот ми беше малку тешко“, истакна Аргентинецот.
Учество во игри на среќа е дозволено за лица со 18+ години. Играј одговорно!