Де Јонг си ја „отвори душата“: Некој во Барселона сакаше да ме избрка!

Френки де Јонг го искористи престојот во репрезентацијата во Катар да си ја отвори душата за холандските медиуми.

За холандскиот „Телеграф“ откри дека Барселона летово го притискала да си замине, но тој не ја прифаќал таквата одлука.

„Многу сум среќен во Барселона, особено кога играм. Исто така, животот во Барселона е совршен за мене. Се гледам себеси во Барселона што е можно подолго, барем осум до 10 години, тоа е моја лична желба“, Де рече Јонг.

Отворено зборуваше против управата на Барселона.

„За таквата ситуација ги обвинувам луѓето кои ме сакаа надвор од клубот, но јас немам ништо со нив. Да, тие се Барса, бидејќи тие го водат клубот, но јас не ги гледам кога сум во клубот. Немам никаква врска со нив во животот.

Еден ден беа објавени деталите од мојот договор, тоа јас не го направив, значи мора да е некој од другата страна.

Тогаш одеднаш се отвори и прашањето дали мојот договор е важечки затоа што е потпишан со претходниот претседател. Тоа многу ме вознемири, но не дозволив да влијае на мојата желба да останам“, истакна Де Јонг.