Дома Фудбал Англија Дерби на денот: Тотенхем ги тестира шампионските амбиции на Арсенал

Дерби на денот: Тотенхем ги тестира шампионските амбиции на Арсенал


Викенд најава: Интер - Милан, Тотенхем - Ман.Сити и Феенорд - ПСВ ↓↓↓



Денес на програта во Премиер лигата е големото лондонско дерби помеѓу Тотенхем и Арсенал, кое може да го одреди понатамошниот тек на сезоната.

Ривалитетот помеѓу овие два лондонски клуба е огромен, а Арсенал во овој меч влегува како лидер на табелата и со победа ќе се доближи до титулата, додека Тотенхем е на петтото место и се бори за пласман во Топ 4.

Тотенхем игра топло-ладно

Тотенхем во последно време има пад на формата и игра топло-ладно, па сигурно до крајот на сезоната ќе се бори за пласман во Топ 4 и карта за Лигата на шампиони, што е примарна цел за овој тим. Конте беше искрен и отворено призна дека Тотенхем не е спремен за титулата, па моментално зад лидерот заостанува цели 11 бода. Поради тоа овој натпревар добива уште повеќе на тежина, иако јасно е дека Арсенал е нивниот најголем ривал без оглед на пласманот на табелата. Победата минатото коло против Палас беше многу важна, особено поради фактот што стигна после ремито против Брентфорд и поразот од Астон Вила. Проблем е сигурно одбраната, па „спарси“ на последните четири меча во Премиер лигата прими дури 9 гола и тоа е најголем проблем за Конте во моментов. Со позитивен резултат на овој меч сигурно многу ќе се подигне самодовербата на тимот и може да влиае на понатамошниот тек на сезоната. Што се однесува до кадровските проблеми кои ги има Конте, за овој меч нема да може да смета на повредените Ричарлисон, Кулушевски и Бентанкур, па тоа може да биде проблем.

Арсенал конечно со шампионски амбиции

Арсенал игра фантастична сезона и сигурно ни најголемите оптимисти не можеа да претпостават дека „топџиите“ ќе бидат лидери на табелата во овој период од годината и први фаворити за титулата. Во моментов Арсенал има пет бода предност пред Манчестер Сити, но после поразот на „граѓаните“ може додатно да ја зголеми разликата. Поради тоа победата на ова дерби може да добие додатно на тежина и да го доближи тимот на Артета до титулата. Во последно време „топџиите“ имаат проблем во нападот со реализацијата. Тоа се виде на мечот против Њукасл, како и мечот со нисколигашот Оксфорд, кога беше скршен отпорот во второто полувреме во Купот. Повредата на Габриел Жесус сигурно се чуствува во тимот, па поради тоа Артета е во потрага по засилување во нападот. Арсенал премногу долго чека на титула во Премиер лигата, па оваа сезона имаат прекрасна шанса за тоа и се во пол-позиција. Победа над градскиот ривал и зголемување на разликата над Сити сигурно ќе донесе двојна радост на „Емирати“ и тимот ќе даде се од себе да ги освои трите бода.

Очекување

Дерби натпреварите во Премиер лигата се секогаш непредвидливи и на нив нема фаворити, но очекуваме возбудлив меч со голови на двете страни и дуел кој ќе го одлучуваат мали детали.

Коментари
Прочитајте поврзани статии
Load More In Англија

Проверете

„Монца во следните сезони ќе се бори за Скудето“

Викенд најава: Интер - Милан, Тотенхем - Ман.Сити и Феенорд - ПСВ ↓↓↓ Eкипата на Монца мин…