Дерби на денот: „Топџиите“ ја напаѓаат Божицата

Денес продолжува новата сезона во Лигата на шампиони во нов формат, а еден од најинтересните натпревари е секако дуелот помеѓу Аталанта и Арсенал.

Аталанта ја бара најдобрата форма

Аталанта имаше историска сезона минатата година и стигна до европски трофеј, ја освои Лига Европа и тоа на доминантен начин. Тоа доволно говори за квалитетот на тимот, кој веќе неколку години е на самиот врв на италијанскиот фудбал. Ова лето пристигнаа неколку нови засилувања, но останаа без првата ѕвезда Копмајнерс. Тоа придонесе малку лошо да ја отворат сезоната и после првите четири кола имаат два порази. Аталанта се уште ја бара најдобрата форма, особено бидејќи новите засилувања треба да се прилагодат на тимот. Меѓутоа, Аталанта е тим кој често знае да изненади во големите натпревари и особено добро игра против англиските клубови во моментов. Фактот што не е фаворит на овој меч може да биде предност за Гасперини и дружината.

Арсенал има високи амбици

Арсенал ова лето значително го засили тимот и секако сезоната ја започна со највисоки амбиции. Сон за сите во клубот секако е титулата во Премиер лигата, но и во Лигата на шампиони имаат високи амбиции. Удар за Артета секако ќе биде повредата на Одегард, но „топџиите“ имаат широк ростер и секако се фаворити на овој меч. Меѓутоа, Арсенал нема големи успеси на гостувањата во Италија, па секако треба да биде претпазлив. После победа над големиот ривал Тотенхем самодовербата е на највисоко ниво и овој меч за нив доаѓа во најдобро време.

Очекување

Дуел на два тима кои играат отворен фудбал и сакаат да се надигруваат па поради тоа очекуваме возбудлив меч со голови на двете страни.