Дома Фудбал Светско првенство во фудбал Дерби на денот: Последна шанса за Меси и Левандовски

Дерби на денот: Последна шанса за Меси и Левандовски


Викенд најава: Интер - Милан, Тотенхем - Ман.Сити и Феенорд - ПСВ ↓↓↓



Денес на програмата се натпреварите од третото коло на Мундијалот, а најголемо внимание привлекува дуелот помеѓу Полска и Аргентина.

Двете репрезентации во директен дуел ќе се борат за пласман во нокаут фазата, Полска има 4 бода и е на првото место во групата, а Аргентина на второто место со бод помалку. Може и двете селекции да одат во следната фаза, но тоа ќе зависи од резултатот на мечот Мексико – Саудиска Арабија.

Главен испит за оваа генерација на Полска

Оваа генерација на Полска предводена од Левандовски има можност да направи одличен успех со пласман во следната фаза. Полсе стартото реми против Мексико дојдоа до победа против Саудиска Арабија, па како првопласирана селекција влегуваат во кличниот дуел, што значи дека потребно му е реми за пласман во осминафиналето. На минатите првенства Полска не остави добар впечаток, па се чини дека ова е најголем испит за оваа генерација фудбалери. Полска може да се пласира во следната фаза и доколку биде поразена, но во тој случај ќе зависи од резултатот на другиот меч, кој би требало да заврши без победник. Одлична вест е што селекторот на Полска за овој клучен  меч може да смета на сите фудбалери, нема повредени ниту суспендирани. Првата ѕвезда во тимот Роберт Левандовски на минатиот меч дојде до својот прв гол на светските првенства, па нема да биде оптеретен со тој притисок. Притоа, Полска ја нема улогата на фаворит на овој меч, па тоа може да биде предност.

Меси и другарите мора да одат на победа

Аргентинците лошо го отворија Мундијалот со пораз од Саудиска Арабија, што беше едно од најголемите изненадувања на турнирот. Меѓутоа, Меси и дружината се поправија па запишаа важна победа против Мексико,па сега се на второто место во групата со 3 освоени бода. Меѓутоа, „гаучосите“ ќе мора да одат на победа во овој меч за да бидат сигурно во пласман во осминафиналето, иако можат и со реми да одат понатаму, но во тој случај ќе зависат од резултатот на другиот меч. Аргентина пред почетокот беше еден од трите главни фаворити за титулата, па испаѓање од групната фаза би било голем неуспех и катастрофа за оваа репрезентација. Се чини дека со победата над Мексико сепак не се решени сите проблеми во репрезентацијата, која премногу се потпира на Меси и неговите индивидуални потези. Се очекува селекторот да направи една промена за овој меч и на местото на Паредес во стартиот тим да го стави Енцо Фернандез, кој покажа дека е во одлична форма. Ова за Меси е последен Мундијал и ќе направи се за да постигне значаен успех со репрезентацијата. Поради тоа се очекува Аргентина вечерва да оди на победи и да не калкулира за да зависи од резултатот на другиот меч.

Очекување

Очекуваме тврд и неизвесен меч со малку голови, Полска и одговара и реми, па сигурно нема да игра безглаво. Од друга страна Аргентина има квалитет за победа и сигурно ќе оди на трите бода.

Коментари
Прочитајте поврзани статии
Load More In Светско првенство во фудбал

Проверете

Официјално: 37-годишник е нов селектор на Белгија!

Викенд најава: Интер - Милан, Тотенхем - Ман.Сити и Феенорд - ПСВ ↓↓↓ Фудбалскиот сојуз на…