Дембеле со потегот после натпреварот ги ОСВОИ фановите на Барса

Осман Дембеле е нова ѕвезда на Барселона, а сите од него очекуваат тоа да го покаже и на теренот.

Дембеле е најскапото засилување во историјата на Барселона, каталонците за неговите услуги платија 105 милиони евра, а преку бонуси Борусија Дортмунд би можела да добие и дополнителните 40 милиони евра.

Само поради тоа тој веќе е голема ѕвезда, но фановите очекуваат тоа да го покаже на теренот, а против Јувентус во Лигата на шампионите одигра сосема солиден натпревар.

Сепак, со потегот после натпреварот, Дембеле освои многу навивачи на Барселона. Имено, тој веднаш по последниот свиреж на Словенецот, Скомина побара да го замени дресот со Лионел Меси!