Германецот за црвениот картон на Роналдо: Не сме жени, оставете не да играме фудбал!

Црвениот картон на Кристиано Роналдо во вчерашниот натпревар помеѓу Валенсија и Јувентус се уште е тема број 1 во светските медиуми.

По повод оваа ситуација свое мислење даде и играчот за врска на „старата дама“, Емре Чан. Тој смета дека Роналдо не заслужил црвен картон, а тоа го објасни на интересен начин.

„Дали требаше добие црвен картон? Разбрав дека го доби само за мало повлекување за коса. Не сме жени, оставете не да играме фудбал“, изјави Чан и продолжи:

„Ако секогаш покажувате црвен картон поради тоа, тогаш би требало да не исклучувате скоро после секој прекршок. За Роналдо 100% сум сигурен дека не заслужи црвен картон“, заврши Германецот и соиграч на Роналдо.

Ќе потсетиме, Јувентус против Валенсија иако остана со играч помалку до крајот славеше победа од 2:0.