Вујовиќ: Вардар по традиција игра добро во Сегедин, да ја прекинеме серијата порази!

Тренерот Веселин Вујовиќ го најави двомечот со ПИК Сегед во ЕХФ лигата на шампионите.

Првиот натпревар го играме во Унгарија во четврток, а вториот се игра во Скопје на 25 ноември.

„Продолжува Лигата на шампионите после ЕХФ паузата и настапите за репрезентациите. Сите сме заедно, сите сме здрави што е најважно. Играме против ПИК Сегед, познат противник, една од најдобрите екипи во Европа. Ова е натпревар како да играме некој бараж, затоа што играме прво на гости, па веднаш дома после седум дома. Ќе видиме како ќе се одвиваат двата натпревари. Вардар е спремен, јас веќе кажав дека мораме да ја прекинеме серијата порази. Вардар по традиција игра добро во Сегедин и се надеваме дека и овој пат ќе биде така“, изјави Вујовиќ.

Во Лигата на шампионите Вардар е во серија од три порази против Алборг, Монпеље и Кил.