Венгер може да се врати и тоа во клубот на македонскиот супер талент!?

Легендарниот француски стрчњак Арсен Венгер многу брзо би можел да се врати на тренерската работа.

Венгер на крајот на минатата сезона го напушти Арсенал после 22 години, но неговата тренерска кариера како и што самиот потврди неодамна не е завршена.

Денес, турските медиуми пренесуваат дека Венгер е многу блиску до седнување на клупата на гигантот од Инстанбул, Фенербахче.

Раководството на овој клуб е незадоволно од учинокот на Филип Коку. Тимот е во лоша позиција вп првенства, додека играта не дава никаква надеж дека работите можат
да се променат.

Коку би можел многу брзо да добие отказ. Понудата од Фенер наводно веќе е пред Венгер и чека одговор од легендарниот стратег.

Ќе потсетиме Венгер претходно се поврзуваше и со репрезентацијата на Јапонија, но изгледа дека од договор со „Самураите“ нема да има ништо.

Ќе потсетиме за Фенербахче настапува македонскиот фудбалер од кого многу се очекува, Елиф Елмас.