Британците убедени: Арсенал испратил понуда и играчот на Барса побарал трансфер

Британски „Мирор“ открива дека Денис Суарез во овој преоден рок сака да ја напушти Барселона.

„Денис Суарез од Барселона побарал дозвола за трансфер и сака да се пресели во Арсенал оваа зима. Фудбалерот се надева дека клубовите ќе договорат негов трансфер“, пишува „Мирор“.

Според Британците Суарез е најголема желба на Арсенал во зимскиот преоден рок. Како што се наведува понудата на Арсенал гласи – позајмица до крајот на сезоната со право на откуп за 18 милиони евра.

Суарез веќе соработуваше со Унаи Емери кога го носеше дресот на Севиља.

Минатиот месец Суарез јавно се пожали дека не е среќен во Каталонија поради својот статус.

„Не сум среќен, сакам да играм. Јас сум фудбалер, а фудбалерот сака да игра фудбал. Се надевам дека ќе добијам повеќе простор да покажам што можам“, изјави Суарез, но неговиот статус не се промени.

Denis Suarez wants to come to Arsenal. It would have to be a loan with a view as Arsenal don’t have funds this window. Suarez is the only deal currently on the agenda. They’re also looking at technical director appointment. https://t.co/QwTXIGDfsU

— John Cross (@johncrossmirror) January 9, 2019