Бобан жестоко ја критикуваше УЕФА

Славниот Звонимир Бобан кој во јануари ја напушти УЕФА, сега испрати критики до луѓето кои го водат европскиот фудбал.

Бобан директор во УЕФА беше од 2021 година, а си замина поради промените во статутот според кој сегашниот претседател Александар Чеферин би добил можност да остане и подолго на чело на УЕФА од три мандати колку што досега беше дозволено.

Сега во интервју за италијанската „Газета дело Спорт“, Бобан истакна дека неговото заминување е од морални причини.

„Во изминатиот период уживам во животот со фамилијата и пријателите, имам слободно време и го користам на најдобар начин. Исто така имам хобија како читање книги, играње карти и шах. Гледам и фудбал, следам што се случува“, започна Бобан па продолжи:

„Со години гледаме дека технократијата дивее во фудбалскиот систем и ги лишува вредностите што треба да ги застапува и брани. Луѓето таму мислат дека се поважни од тренерите, играчите, фановите…“, порача Бобан.