Барселона една година со сите сили се трудеше да му најде нов клуб, а тој одбиваше, среќен што седењето во вип ложата на „Камп Ноу“ му беше платено 9 милиони евра.
Арда Туран оваа сезона ниту еднаш не заигра за Барселона, а на тренинзи се појави само неколку пати. Неговата појава тогаш покажуваше дека оди постојано во казино и клубови, а не во теретана или на терен. Запуштен и демотивиран, уживаше да заработува богатство, а да не прави ништо.
Барселона сфати дека играч со такви перформанси и договор никој нема да купи и дека нема шанси да врати барем дел од 35те милиони евра, колку што го платија летото 2015. година, кога уште изгледаше и играше како професионален фудбалер.
Затоа по начелото „што е нека е“, Барселона прифати две и пол годишна позајмица во неговата земја. Во Истанбул Башакшехирспор, лидерот во турското првенство, премина Туран до летото 2020. година и истекот на договорот со Барселона.
Учество во игри на среќа е дозволено за лица со 18+ години. Играј одговорно!