Барса ќе има голем економски профит ако го врати Меси

Барселона ќе добие огромни финансиски приходи доколку успее на лето да го врати во клубот Лионел Меси, пишува каталонски „Спорт“.

Договорот на Аргентинецот со ПСЖ истекува на крајот од сезоната, а раководството на Барселона не ја крие желбата повторно да го доведе на „Камп Ноу“.

Позитивните страни од враќањето на Меси во Барселона не би биле само спортско-технички и сентиментални, туку и економски.

Според пресметките на Каталонците, од доаѓањето на Меси ќе заработат околу 230 милиони евра. Приближно 150 милиони евра од зголемувањето на спонзорските договори и околу 80 милиони евра повеќе приходи од натпреварите на тимот.