Полноќна „бомба“: На адресата на Винисиус Жуниор пристигнаа две понуди!

Иднината на Винисиус Жуниор повторно е една од главните теми на европскиот преоден рок.

Според информациите од германскиот „Скај Спорт“, Реал Мадрид направи нов потег во преговорите со бразилскиот репрезентативец околу продолжувањето на соработката.

Кралскиот клуб, како што се наведува, испрати против-понуда до Винисиус и неговите претставници во обид по неколку месечни разговори да постигнат конечен договор.

Во Мадрид сакаат што побрзо да го затворат прашањето за новиот договор и да го осигураат останувањето на еден од своите најзначајни играчи.

Истиот извор наведува дека Реал Мадрид е целосно свесен за сериозниот интерес на Арсенал.

Лондонскиот клуб, според тие информации, одлучи исто така да испрати својата прва понуда на адресата на Винисиус Жуниор.