Челси со сензационна понуда за уште еден ветеран

Челси подготвува уште еден сензационен трансфер. Откако стана јасно дека блиску до договор со “сините” од Лондон е Дани Велбек, “Атлетик” откри дека новиот менаџер Чаби Алонсо сака да го донесе и друг ветеран – Џордан Хендерсон.

Клубот од „Стафорд Бриџ“ е главен кандидат за потписот на 36-годишниот фудбалер, за кого интерес покажуваат и други екипи од Премиер лигата.

Брентфорд е подготвен да го ослободи Хендерсон без трансферна сума. Средниот ред има уште една година од договорот, кој го потпиша како слободен играч минатото лето, откако пристигна од Ајакс, но клубот е подготвен да го пушти бесплатно.

Хендерсон беше дел од составот на Англија, предводен од Томас Тухел, на Светското првенство. Тој, сепак, ја скрши левата рака, откако се лизна при прескокнување на реклама за време на победата над Мексико во осминафиналето, што бараше операција. Тој остана со тимот и по операцијата.

Во последните сезони, Челси се фокусираше на привлекување на помлади играчи, но ова лето се насочи кон поискусни имиња. Лондонците се обидоа да го доведат на “Стафорд Бриџ” и Гранит Џака, но нивната понуда од 8 милиони фунти за 33-годишниот играч беше одбиена од Сандерленд. Џон Стоунс исто така беше во трансферните планови на тимот.