Баксуз: Цела година чекаше тикет, Лингард му ја зеде добивката од џеб

Еден Англичанец по име Ентони Џонсон пред да почне сезоната во Премиер лигата се обложил дека Џеси Лингард од Манчестер јунајтед нема да даде гол, ниту ќе има асистенција во целата сезона 2019/20. 

Се работи за облог на кој уплати 10 фунти кој требаше да му донесе заработка од 670 фунти.

Англичанецот чекаше цела сезона и беше блиску до добивка се до последната минута од последниот дуел, кога Лингард постигна гол против Лестер.

Вината за пропаднатиот тикет оди и кај голманот на „лисиците“, Каспер Шмајхел, кој му ја подари топката на Лингард.