Фудбалерите на Реал Мадрид го претрпеа првиот пораз за оваа сезона откако на гостувањето кај Бетис во Севиља загубија со 0:1. Главниот херој на домашниот тим беше Трој Парот, кој го постигна единствениот гол на натпреварот во 81-вата минута по изведен корнер.
Со овој резултат, Реал остана на девет бода и петта година по ред не успеа да оствари победа на теренот на Бетис, кој сега има ист биланс како мадридскиот тим, три победи и еден пораз. Сите очекуваа како ќе реагира Жозе Мурињо, кој се врати на клупата на Реал. Шпанските медиуми забележаа дека беше смирен во своите изјави, но и дека упати неколку “стрели” кон победничкиот тим.
“Понекогаш губиш, а не знаеш зошто”
“Честитки за Бетис кој играше за нерешено, а постигна уште повеќе,” истакна Мурињо, бранејќи ја играта на својот тим (“Понекогаш губиш, а не знаеш зошто”) и не го прикриваше горкиот вкус на поразот. “Ако натпреварот завршеше нерешено, ќе бевме разочарани бидејќи направивме повеќе. Можете ли да замислите како се чувствуваме сега со поразот,” додаде Мурињо.
Коментираше и за жолтиот картон што го доби на натпреварот.
“Не знам зошто го добив жолтиот картон, но не е важно, го прифаќам тоа. Станав затоа што еден играч на Бетис изгледаше како да е безживотен пред нашата клупа. Не знам. Ситуацијата со пеналот, повторувањето, голот на Еспи. Не можам да кажам. Видов многу изненадени луѓе на нашата клупа гледајќи ги тие ситуации. Јас не ги видов. Не можам да коментирам,” рече Мурињо.
Учество во игри на среќа е дозволено за лица со 18+ години. Играј одговорно!