Арсенал му нуди богатство на Обамејанг за да остне

Договорот на Обамејанг со Арсенал истекува за една година, па „топџиите“ прават се за да го убедат да остане на „Емирати“.

Обамејанг во неколку наврати одби да ја продолжи соработката со лондонскиот клуб, но „топџиите“ не се откажуваат од намерата.

Лондонскиот клуб му нуди на 30-годишниот Габонец договор до 2023 година со плата од 12 милиони евра по сезона, објавија англиските медиуми.

Со оглед на новонастанатата финансиска ситуација тешко дека некој друг клуб ќе може да му понуди ваков договор на напаѓачот, па поради тоа Арсенал се надева дека ќе ја прифати понудата.

Интерес за Обамејанг покажуваат Реал Мадрид, ПСЖ и Интер, но ниту еден од споменатите клубови не е спремен да му понуди 12 милиони евра по сезона.

Поради тоа оваа понуда на Арсенал може да ги промени плановите на напаѓачот и сепак да стави потпис на нов договор.