Обамејанг прифаќа мала плата, само да се врати во Барселона

Пјер Емерик Обамејанг на лето сигурно ќе го напушти Челзи,  а негова желба е да се врати во Барселона.

Тој дојде во Челзи по барање на Тухел и не добива голема минутажа кај Потер, па сака да ја промени средината, а и „сините“ сакаат да се ослободат од него.

Шпанските медиуми пренесуваат дека Обамејанг стапил во контакт со Чави и сака да се врати во Барселона.

Каталонците се отворени повторно да го доведат на „Камп Ноу“, но неможат да си ја дозволат неговата висока плата.

Наводно Обамејанг е спремен на значително намалување на платата само да се врати во Барселона.

Тој остана во одлични односи со целиот тим и неодамна во соблакувалната на Каталонците ја славеше победата на „Ел Класико“.