Анри откри кој играч го смета за најпотценет во светот

Легендарниот француски напаѓач Тиери Анри смета дека неговиот сонародник Антоан Гризман во моментов е најпотценетиот фудбалер во светот.

Французинот моментално е селектор на У-21 репрезентацијата на Франција, па по тој повод даде интервју за Le Parisien во кое се осврна на А репрезентацијата. Тој посебно реши да го истакне квалитетот на напаѓачот на Атлетико Мадрид.

„Не смееме да го заборавиме Гризман, играч кој со секој натпревар не потсетува дека напорната работа е исто толку важна како и талентот. Гризман е убедливо најпотценетиот играч што постои“, тврди Анри и додаде:

„Секогаш зборуваме за Килијан, но Гризман… Погледнете ги асистенциите и головите. Кажете ми еден играч во историјата кој можел да игра на сите четири офанзивни позиции како него? Нема многу… А Гризу е еден од нив.”