Алегри: Роналдо во Јувентус ќе ја освои шестата „Златна топка“

Кристиано Роналдо не се појави во Париз на доделувањето на „Златната топка“ која ја освои Лука Модриќ, а неговата сестра подоцна преку Инстаграм жестоко го нападна „Франс Фудбал“.

Многумина го критикуваа Роналдо затоа што не се појави во Париз, а неговиот тренер од Јувентус, Масимилијано Алегри беше запрашан за непојавувањето на Роналдо на церемонијата.

„Кристиано ја заслужи Златната топка за се што направи минатата сезона во Лигата на шампионите со Реал. Подоцна со Португалија на Мундијалот не можеше да направи премногу. Нема сомневање дека победата на Модриќ го мотивираше и дека сега ќе биде уште подобар за следната година со Јувентус да ја освои шестата Златна топка“.

„Роналдо го зголеми и онака високото ниво на професионализам во Јувентус. Тој е одличен фудбалер, но и скромен човек кој дава се од себе да секој тренинг. Тој е пример за сите млади фудбалери“, изјави Алегри.