Дома Фудбал Италија Џеко и Пероти му приредија победничка „журка“ на Тоти за збогум од Рома

Џеко и Пероти му приредија победничка „журка“ на Тоти за збогум од Рома

Последниот меч на Франческо Тоти во дресот на Рома и веројатно во кариерата заврши успешно, откако „волчицата“ во драматичен меч, во поседното коло ја совлада Џенова со 3:2.

Фудбалерите на Рома на теренот истрчаа со маици посветени на легендарниот капитен: „25 сезони во еден дрес, 785 натпревари, 307 голови, светски шампион 2006. Франческо Тоти дел од фудбалската историја“.


Кој ќе тепа на Ел Класико!? ↓↓↓


„Принцот на Рим“ во игра влезе во 54.минута и го забележа 786-от меч за Рома, 619 во Серија А од дебито на во март 1993 година, кога имаше 16 години и шест месеци.

Сепак, малку недостигаше Џенова да ја растури прошталната журката на Тоти.

Гостите кој во минатото коло обезбедија опстанок во лигата, а во чии редови го немаше Горан Пандев, најавија дека нема да се предадат без борба со голот на 16-годишното момче Пјеро Пелегри во третата минута.

Рома израмни седум минути подоцна со голот на Един Џеко. Репрезентативецот на БиХ го постигна 29-от гол во сезоната.

Во вториот дел, по влегувањето на Тоти, Рома се мачеше, немаше игра, но успеа да поведе преку Де Роси во 74.минута. Де Роси беше на вистинското место и во гол ја спроведе асистенцијата на Џеко.

Но само три минути подоцна Лазовиќ уште еднаш го шокира „Олимпико“. Српскиот репрезентативец ја искористи погрешната проценка на голманот Шчешни, во скокот беше повисок од Фацио и израмни на 2:2.

Истиот играч во 82.минута пропушти можност да донесе нова предност за Џенова, но неговиот удар заврши во дирекот.

Промашувањето на противникот Рома го искористи во 90.минута. Џеко повторно беше асистент, а голот кој значи пласман во Лигата на шампионите го постигна Пероти.

Рома сезоната ја заврши на второто место со 87 бодови, рекордни за тимот во Серија А. Трет на табелата е Наполи и овој тим ќе игра во квалификациите за Лигата на шампини.

Наполитанците во последната рунда како гости славеа на „Луиџи Ферарис“ против Сампдорија со 4:2.

Коментари
Прочитајте поврзани статии
Load More In Италија

Проверете

Арне Слот потврди: Преговорите се во тек, сакам да бидам тренер на Ливерпул

Eкипата на Ливерпул и холандскиот тренер Арне Слот се блиску до договор за соработка, потв…