Торино во шок, агентот потврди: Бонучи заминува!

Леонардо Бонучи и неговата иднина во Јувентус е главна тема на Апенините, откако неговиот агент потврди дека дефанзивецот ќе го напушти Торино ова лето.

Вчера одекна вистинска „бомба“ во Италија кога медиумите најавија дека Милан е спремен да испрати шокантна понуда и дака да го донесе Бонучи на „Сан Сиро“.

Наводно „росонерите“ веќе постигнале договор со Бонучи и ќе го направат еден од најплатените играчи во Серија А со годишна плата од 7 милиони евра по сезона.

Иако првично оваа информација беше земена со резерва, додатен „земјотрес“ предизвика неговиот агент кој не неграше дека Бонучи има договор со Милан и потврди:

„Работиме на неговиот трансфер“, изјави Лучи, агентот на дефанзивецот.

Денес сите медиуми во Италија потврдија дека Милан е спремен да испрати понуда од 50 милиони евра плус Матија де Шиљо, но проблем е што „бјанконерите“ не сакаат да го продадат играчот на директен ривал.

Имено, Јувентус нема да се противи на неговото заминување, бара помеѓу 50 и 60 милиони евра, но преферира продаќжба во клуб надвор од Италија.

Ова сигурно ќе биде една од најжешките трансфер теми во Италија, па останува да видиме како ќе се заврши.