Кејн: Нема да дозволиме Челзи да собори рекорд против нас!

Фудбалерите на Тотенхем немаат намера да бидат последниот противник на градскиот ривал Челзи, со кој „сините“ ќе станат првиот англиски клуб кој победил 14 натпревари во низа во Премиер лигата.

„Сигурно не сакаме да бидеме тимот со кој Челзи ќе го собори рекордот. Пред малку разговаравме токму за тоа во соблекувалната и е неизбежно да размислуваме за тоа. Целосно сме концентрирани и немаме намера да се предаваме“, изјави Хари Кејн.

„Сега сме подобри од минатата година и тоа докажува дека се движиме по вистинскиот пат. Веќе сме посилни и поискусни. Се надевам дека ќе го покажеме тоа и во вториот дел од шампионатот“, додаде напаѓачот на „спарси“.

Големото дерби помеѓу Тотенхем и Челзи е на програмата вечерва во 21 часот!