Голема напнатост во Каталонија, Шпанија останува без Мундијал?

Денешниот референдум во Каталонија би можел да има големо влијание врз шпанските фудбалски клубови и шпанската репрезентација.

Каталонија денес гласа на референдум и ако жителите на оваа покраина се изјаснат позитивно, тоа ќе значи отцепување од Шпанија. Во политичките игри се вклучи и Фудбалската федерација која се закани дека ќе ја исфрли Барселона и останатите каталонски клубови од Примера, доколку биде изгласана независност.

На тоа веднаш реагираше ФИФА која се закани дека доколку Барселона биде исфрлена од Ла Лига во тој случај на Шпанија нема да и биде дозволен настап на Светското првенство во Русија следната година.

ФИФА смета дека тоа не е правилно и го толкува како „влијание на политиката врз работата на Федерацијата“, што е строго забрането по статуот на Светската фудбалска федерација.