Од Јунајтед до дното: „Требаше да останам кај родителите“

Брендон Вилијамс сака да ја оживее кариерата по турбулентниот период во кој, како што самиот признава, направил серија сериозни грешки.

Поранешниот фудбалер на Манчестер Јунајтед, кој има одиграно 51 натпревар за клубот, денес отворено зборува за проблемите кои го оддалечиле од фудбалот.

Минатата година беше осуден на 14 месеци условна казна затвор, со тригодишна забрана за возење и 180 часа општествено корисна работа, откако призна дека возел опасно.

Во инцидентот од 2023 година возел со брзина до 160 км на час во зона каде што ограничувањето било 115.

„Научив од своите грешки. Преземам целосна одговорност за сè што ми се случи. Секогаш си велам: сам се доведов во оваа ситуација и сам ќе се извлечам од неа”, изјави Вилијамс.